Gratis Patroon: Gehekelde Kamma Tartan Vadoekie.

'n Gehekelde vadoekie of waslappie is een van daardie vinnige en maklike items wat in 'n japtrap gehekel kan word.  Die vadoekie word eers klaar gehekel en dan word die strepe gehekel deur glipsteke in die oop gedeeltes op te werk.

'n Baie maklike maar pragtige vadoekie wat elke keer uniek sal wees afhangende van die kleure wat gebruik word. 

Kom ek wys julle hoe maklik dit is om hierdie vadoekie te hekel! 

Materiaal gebruik: 

Vinnis Nikkim en 'n 3.75mm hekelpen. 1x50g van elke kleur wat jy wil gebruik. Hier is 3 kleure gebruik.  

Grootte van lappie is ongeveer 30x30cm.

Voordat jy begin hekel kyk na die tweede laaste foto vir die aanduiding van die verwisseling van kleure. 

Instruksies: 

Begin met 57 kettingsteke.

Ry 1:  1lb in 4e ks vanaf pen, 1lb in vlg ks,  *1ks, slaan 1ks oor, 1lb in elk van vlg 2ks, 1ks, slaan vlg ks oor, 1lb in elk van vlg 2ks, 1ks, slaan vlg ks oor, 1lb in elk van vlg 5ks, 1ks, slaan vlg ks oor, 1lb in vlg ks, 1ks, slaan vlg ks oor, 1lb in elk van vlg 3ks, 1ks, slaan vlg ks oor, 1lb in elk van vlg 3ks, 1ks, slaan vlg ks oor, 1lb in elk van vlg 5ks, 1ks, slaan vlg ks oor, 1lb in vlg ks, 1ks, slaan vlg ks oor, 1lb in vlg ks, 1ks, slaan vlg ks oor, 1lb in elk van vlg 3ks, 1ks, slaan vlg ks oor, 1lb in elk van vlg 3ks, 1ks, slaan vlg ks oor, 1lb in elk van vlg 5ks, 1ks, slaan vlg ks oor, 1lb in elk van laaste 5ks, 3ks, draai

Ry 2:  1lb in elk van vlg 4lb, 1ks, 5lb, 1ks, 3lb, 1ks, 3lb, 1ks, 1lb, 1ks, 1lb, 1ks, 5lb, 1ks,3lb, 1ks,  3lb, 1ks, 1lb, 1ks, 5lb, 1ks, 2lb, 1ks, 2lb, 1ks, 3lb, 3ks, draai.

Ry 3: 1lb in vlg 2lb, 1ks, 2lb, 1ks, 2lb, 1ks,  5lb, 1ks, 1lb, 1ks, 3lb, 1ks, 3lb, 1ks, 5lb, 1ks, 1lb, 1ks, 1lb, 1ks, 3lb, 1ks, 3lb, 1ks, 5lb, 1ks, 5lb, 3ks, draai. 

Herhaal ry 2 en 3 deurgaans totdat die lappie 30cm lank is. [Ongeveer 30 rye of totdat dit 'n vierkant is]

Nou gaan die Tartan strepe gehekel word! 

Al die oop spasies word gebruik vir die hekel van die strepe. 

Begin in een van die  oop spasies  en in die heel onderste blokkie by ry 1 en werk dan die glipsteke oor elke ry op tot by die laaste ry.  

Die draad is aan die agterkant van die werk terwyl die glipsteke aan die voorkant oor elke ry gehekel word. 

Die hekelpen is dus altyd aan die voorkant. Die maklikste is om die lappie mooi plat te lê terwyl gewerk word. Moet ook nie die glipsteke styf trek nie. Dit moet redelik los wees sodat dit nie die lappie inmekaar trek nie. Volg net die spanning van die rye en maak seker dat jou spanning dieselfde bly.

Herhaal totdat al die oop spasies gevul is met 'n glipsteek.












Werk alle los drade weg.

Verwisseling van kleure.

Die stappe vir die hekel van die rye  is soos volg: 

4 rye in wit

2 rye in khaki

1 ry in grys

2 rye in khaki

Vir die glipsteke wissel die kleure af volgens eie keuse. 

En dit voltooi die Kamma Tartan Vadoekie!

Lekker hekel julle!

♥

Tutoriaal en Patroon: Seshoek Romanse

Seshoek Romanse

 Hierdie seshoek het net 6 rye en is maklik om te hekel.

Materiaal gebruik: Elle Pure Gold DK [Dubbeldraad] en 4mm hekelpen. 

Begin met Kleur A en maak 5ks, gs om ring te vorm

Ry 1: 3ks, werk in ring die vlg: 1lb, 1ks; werk dan *[2lb,1ks]* herh van * tot * nog 4 keer,  gs in 3e ks, [6 groepe: 12lb altesaam] Heg af.

Ry 2: Heg Kleur B in enige 1ks sp, 3ks, werk in dieselfde sp nog 4lb, *  slaan 2lb oor en werk 5lb in vlg 1ks sp, *  herh van * tot * nog 4  keer,  gs in 3e ks. Heg af.

Ry 3: Heg Kleur C in enige spasie tussen 2 groepe, werk 3ks en 4 lb in dieselfde sp, * 1ks, slaan vlg 5lb oor en werk in vlg sp [1dslb, 2ks, 1lb, 2ks, 1dslb]; 1ks, slaan vlg 5lb oor en werk in vlg sp weer 'n 5lb groep; * herh van * tot * nog 1 keer, 1ks, slaan vlg 5lb oor en werk in vlg sp [1dslb, 2ks, 1lb, 2ks, 1dslb]; 1ks, gs in 3e ks. Heg af.

 

Ry 4: Heg Kleur D in die 3e lb van enige 5lb groep wat in die 2e ry gewerk is. Werk agter die 3e ry soos op die foto gesien kan word. Maak 3ks, werk nou 'n kb in die 1ks sp van die 3e ry en werk dan 1lb in dieselfde lb van die 2e ry. * Werk nou 2kb in die vlg 2ks sp, 1kb in vlg lb, 2kb in vlg 2ks sp,  werk lb soos voorheen in die 3e lb van 'n 5lb groep van 2e ry, kb in die 1ks sp van 3e ry en 1lb in dieselfde lb van 2e ry, 1kb in elk van vlg 5lb; werk 1lb soos voorheen in die 3e lb van 'n 5lb groep van 2e ry, kb in die 1ks sp van 3e ry en 1lb in dieselfde lb van 2e ry * herh van * tot *  nog 1 keer, 

Werk nou 2kb in die vlg 2ks sp, 1kb in vlg lb, 2kb in vlg 2ks sp,  werk lb soos voorheen in die 3e lb van 'n 5lb groep van 2e ry, kb in die 1ks sp van 3e ry en 1lb in dieselfde lb van 2e ry, 1kb in elk van vlg 5lb; gs in 3e ks. Heg af.

Ry 5: Heg Kleur E in dieselfde plek waar gs in vorige ry gewerk is en maak 1ks, werk 1kb in dieselfde st, 1kb in elk van vlg 2st/e, 2kb in vlg st. Vermeerder eweredig oor hierdie ry tot 60 kb plus die 1ks wat aan begin gemaak is gewerk is. Glipsteek in die 1e kb. Om eweredig te vermeerder kan 3kb gewerk word, 2kb in die vlg kb, en na twee of 3 herhalings kan daar dan 2kb gewerk en 2kb in die vlg kb. Wissel dit so af  om by 60kb uit te kom. Sorg dat die kb eweredig versprei is oor die ry met 'n aantal van 60kb aan die einde van ry is. Heg af.

Ry 6: Heg Kleur F in dieselfde kb waar gs in vorige ry gewerk is en maak 3ks, werk in dieselfde kb [1lb, 2ks, 2lb]; * 1ks, slaan vlg kb oor, 1lb in elk van vlg 7kb, 1ks, slaan vlg kb oor, werk nou in vlg kb [2lb, 2ks, 2lb]; * herh van * tot * nog 4 keer, werk dan  1ks, slaan vlg kb oor, 1lb in elk van vlg 7kb, 1ks, slaan vlg kb oor, gs in 3e ks. Heg af. 

Lekker hekel almal!

♥

Hekel 'n Kussing Oortreksel.

Kikker 'n sofa op met hierdie gehekelde kussing oortreksel!

Materiaal gebruik: 

4mm Hekelpen
Vinnis Colours Nikkim 100% Katoen Dubbeldraad in 7 Kleure [1 x 50g van elke kleur]
3 Knope met 'n deursnee van 3cm



Hekel 4 afsonderlike blokke soos volg:

Kleur A: Begin met 6ks en gls om ring te vorm

Ry 1: 3ks, 2lb, 2ks, 3lb, 2ks, 3lb, 2ks, 3lb, 2ks en gs in die 3e ks

Ry 2: Kleur B. Heg in vlg 2ks sp en werk 'n begingroep soos volg: [3ks,2lb,2ks,3lb]; 2ks, * werk 'n hoekgroep soos volg in die volg 2ks sp: [3lb,2ks,3lb]; 2ks; * herhaal van * tot * nog 2 keer en gs in die 3e ks. Heg af.

Ry 3: Kleur C. Heg in vlg hoekspasie en werk 'n begingroep, * 2ks, werk 2lb saam soos volg: slaan vlg 2 lb oor, werk 1lb in vlg lb totdat 2 lusse oor is op pen, slaan 2ks sp oor en werk lb in die 1e lb van die vlg hoekgroep, werk alle lusse af, 2ks, hoekgroep; * herh van * tot * nog 2 keer; werk vlg 2lb saam soos bo beskryf, 2ks, gs in 3e ks. Heg af.

Ry 4: Kleur D. Heg in enige hoekspasie; en werk hoek soos volg: [3ks, 2lb], 1lb in elk van vlg 3lb, 2lb in elk van vlg 2ks spasies, 1lb in elk van vlg 3lb, * 3lb in vlg hoekspasie, 1lb in elk van vlg 3lb, 2lb in elk van vlg 2ks spasies, 1lb in elk van vlg 3lb, * herh van * tot * en gs in 3e ks. Heg af.

Ry 5: Kleur E. Heg in vlg lb; [die 2e lb van die 3 wat in hoek gewerk is]; werk in dieselfde lb die volgende: [3ks,2lb],  * werk 1 lb in elk van vlg 12 lb, 3lb in vlg lb [hoek]; * herh van * tot * nog 2 keer, 1lb in elk van vlg 12lb en gs in 3e ks. Heg af.

Ry 6: Kleur F. Heg in vlg lb; [die 2e lb van die 3 wat in hoek gewerk is]; werk in dieselfde lb die volgende: [1ks,2kb],  * werk nou 1kb in elk van vlg 14lb, 3kb in volgende lb [hoek]; 1kb in elk van vlg 14lb; * herh van * tot * nog 1 keer; 1kb in elk van vlg 14lb, gs in 1e ks. Heg af.

Ry 7: Kleur G. Heg in vlg kb; [die 2e kb van die 3 wat in hoek gewerk is]; werk in dieselfde kb die volgende: [3ks,1lb,2ks,2lb], * werk nou soos volg: 2lb, 12hlb, 2lb, in vlg hoek werk [2lb,2ks,2lb]; * herh van * tot *  nog 2 keer, 2lb, 12hlb, 2lb, gs in 3e ks. Heg af.

Werk vier blokke aan mekaar vas en heg Kleur D in enige hoek.

Werk rand soos volg:

Ry 1: 6ks, kb in dieselfde sp, werk nou soos volg tot die rondte voltooi is: * [3ks, slaan 1st oor, kb in vlg st]*  herhaal van * tot * en werk in elke hoeksp [1kb,3ks,1kb]; eindig rondte met gs in 1e ks. Heg af.

Ry 2: Heg Kleur A in enige hoekspasie.  Werk in dieselfde sp [3ks,2lb];  * werk nou 2ks, lb in vlg sp *  herhaal  van * tot * tot rondte voltooi is en werk  3lb in elke hoekspasie, gs in 3e ks. Heg af.

Ry 3: Heg Kleur B in enige hoek in die 2e lb van 'n 3lb hoekgroep, 3ks, 2lb in dieselfde lb,  Werk die res van  hierdie rondte presies soos ry 2 deur 2ks en 1lb in elke sp te werk en werk 3lb in elke 2e lb van 'n hoekgroep. Heg af.

Ry 4: Heg Kleur E in enige hoek in die 2e lb van 'n 3lb hoekgroep, werk in dieselfde plek soos volg: [3ks,2lb,2ks,3lb]; 1ks, *1lb in vlg sp, 1lb in vlg lb, 1lb in vlg sp, 1ks, slaan vlg lb oor *  herh van * tot * vir die res van hierdie rondte en werk in elke 2e lb van 'n 3lb hoekgroep [3lb,2ks,3lb]; eindig rondte met gs in 3e ks.

Ry 5: gs tot in hoeksp en maak 3ks, werk in dieselfde sp [2lb,2ks,3lb]; ** slaan 1lb oor 1lb in elk van vlg 2lb, *1lb in ks sp, 1lb in elk van vlg 3lb, * herh van * tot * tot by vlg hoek en werk in hoeksp [3lb,2ks,3lb]; herhaal van **  tot einde van rondte en gs in 3e ks.

Ry 6: gs tot in hoeksp en maak 3ks, werk in dieselfde sp [2lb,2ks,3lb]; Voltooi hierdie rondte deur in elke van die 3 oorblywende hoeke [3lb,2ks,3lb] te werk en 1lb in elke lb maar slaan die lb voor en die lb na elke hoek oor, gs in 3e ks, gs dan tot in vlg hoek spasie en voltooi die oorslaan rand soos volg:

Oorslaan rand:

Ry 1: Heg kleur van keuse in hoek spasie, werk in dieselfde sp die vlg: [3ks, 1lb], * slaan 2 lb oor en werk in vlg lb 3lb,* herh van * tot * nog 19 keer, slaan 2lb oor en werk dan 2lb in 2ks hoek spasie, draai

Oorslaan rand van voor gesien.

Ry 2: 3ks, 1lb in vlg sp, 3lb in elk van vlg 19 sp, 1lb in vlg sp, 1lb in bo-punt van 3ks, draai

Ry 3: 3ks, 1lb in vlg sp. 3lb in elk van vlg 18 sp, 1lb in vlg sp, 1lb in bo-punt van 3ks, draai

Ry 4: 3ks, 1lb in vlg sp, 3lb in elk van vlg 17 sp. 1lb in vlg sp, 1lb in bo-punt van 3ks, draai

Ry 5: 3ks, 1lb in vlg sp, 3lb in elk van vlg 16 sp, 1lb in vlg sp, 1lb in bo-punt van 3ks, draai

Oorslaan rand van agter gesien.

Ry 6: 3ks, 1lb in vlg sp, 3lb in elk van vlg 2 sp,  * 4ks, slaan vlg sp oor, 3lb in elk van vlg 4sp, * herh van * tot * nog 1 keer, 4ks, slaan vlg sp oor, 3lb in elk van vlg 2 sp, 1lb in vlg sp, 1lb in bo-punt van 3ks, draai

Ry 7: 3ks, 1lb in vlg sp. 3lb in vlg sp, 6lb in 4ks sp, 3lb in elk van vlg 3 sp, 6lb in 4ks sp, 3lb in elk van vlg 3 sp, 6lb in 4ks sp, 3lb in vlg sp, 1lb in vlg sp, 1lb in bo-punt van 3ks sp, draai

Ry 8: 3ks, 1lb in vlg sp, 3lb in vlg sp, * slaan 3lb oor en werk 3lb tussen die 3e en 4e lb, 3lb in elk van vlg 4sp, * herh nog 1 keer, slaan 3lb oor en werk 3lb tussen die 3e en 4e lb, 3lb in vlg sp, 1lb in vlg sp, 1lb in bo-punt van 3ks. Heg af. Weef alle los drade weg.

Blommetjie:

Ry 1: Begin met Kleur B:  'n garesirkel en 1ks, werk nou 8kb in sirkel, gs in 1e kb.

Ry 2: 3ks, kb in vlg kb, 2ks, * kb in vlg kb, 2ks * herh van * tot * nog 5 keer, gs in 1e sp. [8 spasies] Heg af.

Ry 3:  Heg Kleur A in enige spasie, 2ks, 2lb, 2ks en gs terug in dieselfde sp, * gs in vlg sp, 2ks,2lb,2ks, gs terug in dieselfde sp, * herh van * tot * en voltooi in al die oorblywende spasies, Heg af.

Agterkant:

Die agterkant van oortreksel word in strepe gehekel. Wissel kleure na keuse.

Begin met 68 ks.

Ry 1:  1kb in 2e ks van pen, 1kb in elke ks tot einde van ry, draai

Ry 2: 3ks, 1lb in 1e kb, slaan 2kb oor, werk 'n 3langbeen groep in vlg kb,[langbeengroep beteken 3lb in dieselfde st[afkorting=3lbgr]; * slaan vlg 2kb oor, 3lbgr in vlg kb,* herh vanaf * tot * tot 21 groepe voltooi is, slaan vlg 2kb oor en werk dan 2lb in laaste st, draai

Ry 3:  3ks, 3lbgr in vlg spasie, [spasie tussen die 1e 2lb en  3lbgr]; werk nog 21 groepe in elke sp, [22gr in ry]; 1lb in bo-punt van 3ks, draai

Ry 4: 3ks, 1lb in vlg spasie wat lê net voor die heel eerste 3lbgr, werk weer 21 3lbgr, 1lb in 3ks sp aan einde van ry, 1lb in bo-punt van 3ks, draai

Herhaal ry 3 en 4 tot 44 rye voltooi is of totdat dit dieselfde lengte as voorkant meet. Heg af.

Weef alle los drade weg. Werk knope aan agterkant van oortreksel vas. Werk blommetjie in die middel van oortreksel aan voorkant vas. Trek die oortreksel oor kussing en geniet!

Lekker hekel almal!

Gratis Patroon: Sirkel Serp

Materiaal gebruik: 2 x 100g Elle Pure Gold Dubbeldraad en 5mm hekelpen

Begin met 40ks

Patroon van naby gesien. [Klik om te vergroot]

Ry 1: 1lb in 4e ks vanaf pen; 1lb in elk van vlg 2 ks; * 1ks; slaan  1 ks oor; 1 lb in elk van vlg 3ks  * herh tot einde van ry; draai

Ry 2: 3ks, 1lb in elk van vlg 2 lb; * 1ks; 1lb in elk van vlg 3lb; * herh tot einde van ry; draai

Herhaal ry 2 totdat 90 rye voltooi is of totdat serp 1,15 meter lank is.

Knip draad maar los 'n gedeelte lank genoeg om die laaste en eerste ry aanmekaar vas te werk. Heg af.

Ek wil ook 'n spesiale dankie sê vir Suzaan wat model gespeel het vir die foto. :)

Lekker hekel almal!

Monica se Haarband

 Haarband

Hierdie haarband is vinnig en maklik om te hekel. Die band begin in die eerste ry aan die voorkant van die kop en word geleidelik na agter effens nouer sodat dit baie mooi en knus om die kop pas. Dit word aan die onderkant met 'n bandjie saamgetrek. Hierdie is een van die min haarbande wat baie mooi om die kop vorm sonder om gedurig af te gly. Dit sal die volwasse kop pas met 'n omtrek van so minus plus 53cm maar kan in enige grootte verander word deur met minder of meer kettingsteke te begin en dan die patroon aan te pas. 

Materiaal benodig: 1 x 50g Dubbeldraad en 4mm hekelpen

Begin met 80 ks, gs in 1e ks

Ry 1: 2ks, 1hlb in elke van vlg 79 ks, gs in 2e ks,

Ry 2: 3ks, 2lb in dieselfde st;  slaan 2 hlb oor, 1kb in vlg hlb,     *[2ks, 2lb in dieselfde hlb, slaan 2hlb oor, 1kb in vlg hlb,] * herh tot einde van rdte en gs in die 3ks sp, [26 groepies]

Ry 3: 2ks, slaan 2lb oor en werk 1lb in vlg  kb, * [1ks, 1kb in vlg lb, 1ks, 1lb in vlg kb,]* herh tot einde van rdte, 1ks en gs in 2e ks

Ry 4: gs in 2ks sp, 3ks , 2lb in dieselfde sp, * [slaan vlg 1ks sp en 1kb oor en gs in vlg ks sp,  3ks, 2lb in dieselfde sp,]* herh tot einde van rdte en gs in  3ks sp

Vanaf ry 5 plaas 'n merker in in die 3ks sp van elke begin van rondte. Verwys na foto vir aanwysings. 

Ry 5

Ry 6

Ry 5: [3ks, 2lb in dieselfde sp, gs in vlg 3ks sp, ] herh tot einde van rdte en gs in eerste 3ks sp,

Ry 6: [2ks, gs in vlg 3ks sp,] herh tot einde van      rdte en gs terug in eerste 2ks sp

Bandjie:

Begin met 12ks, 1hlb in 3e ks vanaf pen, werk nog 9hlb. Heg af en werk die strokie bo oor die band se onderkant soos aangedui op bygaande foto. 

Lekker hekel!