Monica se Haarband

 Haarband

Hierdie haarband is vinnig en maklik om te hekel. Die band begin in die eerste ry aan die voorkant van die kop en word geleidelik na agter effens nouer sodat dit baie mooi en knus om die kop pas. Dit word aan die onderkant met 'n bandjie saamgetrek. Hierdie is een van die min haarbande wat baie mooi om die kop vorm sonder om gedurig af te gly. Dit sal die volwasse kop pas met 'n omtrek van so minus plus 53cm maar kan in enige grootte verander word deur met minder of meer kettingsteke te begin en dan die patroon aan te pas. 

Materiaal benodig: 1 x 50g Dubbeldraad en 4mm hekelpen

Begin met 80 ks, gs in 1e ks

Ry 1: 2ks, 1hlb in elke van vlg 79 ks, gs in 2e ks,

Ry 2: 3ks, 2lb in dieselfde st;  slaan 2 hlb oor, 1kb in vlg hlb,     *[2ks, 2lb in dieselfde hlb, slaan 2hlb oor, 1kb in vlg hlb,] * herh tot einde van rdte en gs in die 3ks sp, [26 groepies]

Ry 3: 2ks, slaan 2lb oor en werk 1lb in vlg  kb, * [1ks, 1kb in vlg lb, 1ks, 1lb in vlg kb,]* herh tot einde van rdte, 1ks en gs in 2e ks

Ry 4: gs in 2ks sp, 3ks , 2lb in dieselfde sp, * [slaan vlg 1ks sp en 1kb oor en gs in vlg ks sp,  3ks, 2lb in dieselfde sp,]* herh tot einde van rdte en gs in  3ks sp

Vanaf ry 5 plaas 'n merker in in die 3ks sp van elke begin van rondte. Verwys na foto vir aanwysings. 

Ry 5

Ry 6

Ry 5: [3ks, 2lb in dieselfde sp, gs in vlg 3ks sp, ] herh tot einde van rdte en gs in eerste 3ks sp,

Ry 6: [2ks, gs in vlg 3ks sp,] herh tot einde van      rdte en gs terug in eerste 2ks sp

Bandjie:

Begin met 12ks, 1hlb in 3e ks vanaf pen, werk nog 9hlb. Heg af en werk die strokie bo oor die band se onderkant soos aangedui op bygaande foto. 

Lekker hekel!

Seshoek Motief in Rooi en Groen

Seshoek Motief in Rooi en Groen

Hierdie seshoek is 14cm x 14cm. Gehekel met Elle Charity Pullskein Dubbeldraad en 4.5mm hekelpen.  

Begin met 5ks, gs om ring te vorm

Ry 1: Kleur A:  1ks, 12hlb in ring,  gs in 1e hlb. Heg af

Ry 2: Kleur B: Heg in enige hlb, 2ks, 1hlb in dieselfde hlb,   2hlb in elk van vlg 11 hlb, gs in 1e hlb. Heg af

Ry 3:  Kleur C:  Heg in enige hlb, 3ks, 1lb in vlg hlb, * 2ks, 1lb in elk van vlg 2hlb * herh vanaf * tot * nog 10 keer [24 lb]; 2ks, gs in 3e ks. Heg af

Ry 4: Kleur D: Heg in enige 2ks sp, werk in dieselfde sp soos volg: [3ks, 1lb, 1ks, 2lb];  * 2ks, kb in vlg 2 ks sp, 2ks; werk in vlg 2ks sp werk soos volg: [2lb, 1ks, 2lb]; * herh vanaf * tot *  nog 4 keer, 2ks, kb in vlg 2ks sp, 2ks, gs 3e ks. Heg af

Ry 5:  Kleur A: Heg in enige 1ks sp tussen 2lb en werk [2ks, 1hlb in sp]; * 1ks, slaan 1lb oor, 1hlb in vlg lb, 1ks, 1lb in 2ks sp, 1ks, 1lb in vlg 2ks sp, 1ks, 1hlb in vlg lb, 1ks, slaan vlg  lb oor en werk 2hlb in vlg 1ks, * herh vanaf * tot * nog 4 keer, 1ks, slaan 1lb oor, 1hlb in vlg lb, 1ks, 1lb in 2ks sp, 1ks, 1lb in vlg 2ks sp, 1ks, 1hlb in vlg lb, 1ks, slaan vlg  lb oor en gs in 2e ks. Heg af

Ry 6: Kleur D: Heg kleur tussen 2ks en hlb waar vorige rondte ge-eindig het, 2ks, 2hlb in dieselfde sp,   *[1ks,1hlb in vlg 1ks sp] herh nog 4 keer, 1ks, 3hlb tussen vlg 2hlb, *  herh vanaf * tot * nog 4 keer, [1ks,1hlb in vlg 1ks sp] herh nog 4 keer, 1ks, gs in 1e hlb. Heg af. 

Lekker hekel!

Stap vir stap: Monica se 'Snerpie'

Winter is besig  om sy lang vingertjies stadig maar seker  in te wriemel oral waar hy 'n oop gaatjie kan vind. Hier is ek met my nuwe Snerpie! 

Hou jou nek en bors warm en snoesig! 

Ek noem dit 'n snerpie omdat dit iets is tussen 'n snood en serp. Nie heeltemal 'n snood nie en ook nie heeltemal 'n serp nie.  Ek het Pure Gold se Chunky gebruik en dit is heerlik sag en warm om my nek en hou ook sommer my bors lekker warm. Nadat ek my eerste snerpie gehekel het en die patroon neergeskryf het was ek so in my noppies dat ek sommer nog een begin het! 

Ek het vir die tweede een Chunky Knitting 'Loom Easy' gebruik en Timber vir die binneste blom patroon. Tot my verbasing het die blokke  baie groter gehekel met hierdie spesifieke wol alhoewel ek dieselfde dikte hekelpen, 'n nommer 6 gebruik het. Ek is nog besig met die tweede een en sal die foto oplaai op Hekel Idees se facebook bladsy sodra dit klaar is. Dit sal natuurlik 'n groter snerpie wees omdat die blokke groter is, maar dit kan dalk tog ook lekker wees as dit effens groter om die skouers pas. [Dit word dalk nog omskep in iets heeltemal anders, want ek werk baie op ingewing van die oomblik!] 

Blokkie met Pure Gold Chunky = 13 x 13 cm
Blokkie met Chunky Knitting Loom Easy en Timber = 16 x 16cm


Ek het stap vir stap aanwysings gedoen vir die van julle wat ook so 'n snerpie wil hekel. 

Materiaal gebruik:

1 x 100g Elle Pure Gold Chunky [Titanium]

1 x 100g Elle Pure Gold Chunky [Silver]

1 x 100g Elle Pure Gold Chunky [Ruby Red]

6.00 mm Hekelpen

Afkortings:

beg = begin; ks = kettingsteek/e; hlb = halwe langbeen; herh = herhaal; gs = glipsteek; rdte = rondte

sp = spasie; oorbl = oorblywende; vlg = volgende; verm = vermeerder; st = steek; hoeksp = hoekspasie, gr = groep; hoekgroep = hoekgr; vlg = volgende; sdop = slaan draad om pen

Eerste Motief:

Begin met Ruby Red en werk 6ks, gs om ring te vorm.

Ry 1: [2ks, 2lb,2ks, gs in ring]; herh nog 5 keer. Heg af [6blare]

Ry 2: Heg die Silver in laaste gs en werk 3ks, * gs nou weer in die vlg gs wat tussen die vlg 2 blare gemaak is, 3ks, * herh vanaf * tot * totdat daar vyf 3ks sp gemaak is; 3ks, kb in 1e 3ks sp. Druk die blaartjies van die blom na vore sodat die 3ks sp aan die agterkant van die blaartjies lê. 

Ry 3: Werk in dieselfde 3ks sp soos volg: 1hlb, 3lb, 1hlb, volg aanwysings tussen hakies en werk in elk van die vlg 5 3ks spasies soos volg: [1kb, 1hlb, 3lb, 1hlb]; gs in 1e hlb. Heg af.

Ry 4: Heg Titanium in dieselfde gs, 6ks, * kb in 2e lb, 3ks, lb in vlg kb, 3ks, * herh tot einde van rdte en gs in 3e ks

Ry 5: gs in 3ks sp, 6ks, kb in vlg sp, * 5ks, kb in vlg sp, * herh vanaf * tot * tot einde van ry en gs in 1e ks [daar moet 12 ks spasies wees]

Ry 6: gs in vlg sp, werk nou in dieselfde sp die vlg: [3ks, 2lb, 2ks, 3lb]; * 2ks, kb in vlg sp, 3ks, kb in vlg sp, 2ks; in vlg sp werk nou 'n hoekgr soos volg: [3lb, 2ks, 3lb] *; herhaal vanaf * tot * einde van ry

 Tweede, Derde en Vierde Motief:

Volg instruksies van eerste motief vanaf Ry 1 tot Ry 5

Ry 6: gs in vlg sp, werk in dieselfde sp soos volg: 3ks, 2lb, 1ks, gs in ooreenstemmende hoek van eerste motief, 1ks, werk nou 3lb terug in hoekspasie van tweede motief, *1ks, kb in vlg sp van eerste motief, 1ks, kb terug in vlg sp van tweede motief, * herhaal van * tot * nog 1 keer, 1ks, kb in vlg sp van eerste motief, 1ks, 3lb in vlg hoekspasie van tweede motief, 1ks, gs in hoeksp van eerste motief, 1ks, 3lb in hoeksp van tweede motief, ** 2ks, kb in vlg sp, 3ks, kb in vlg sp, 2ks, hoekgr in vlg sp, ** herh vanaf ** tot ** nog 1 keer, 2ks, kb in vlg sp, 3ks, kb in vlg sp, 2ks, gs in bo-punt van 3e ks. Heg af.

Hoe om 2lb saam te werk:

Sdop en druk deur vlg lb, sdop en trek deur steek, sdop en werk deur 2 lusse, sdop, druk deur vlg lb, sdop en trek deur steek, sdop en werk deur 2 lusse, sdop, werk deur oorblywende 3 lusse. Dit voltooi die saam afgewerkte 2lb.

Onderste Rand:

Heg draad tussen die sp van enige twee motiewe, 5ks, * kb in 2e lb van 'n hoekgroep, [3ks, kb in vlg sp] herhaal nog 3 keer, 3ks, kb in sp tussen vlg twee motiewe, 3ks, * herh vanaf * tot * tot einde van rondte en gs in 2e ks.

Boonste Rand:

Verminder na die nek toe soos volg:

Ry 1: Heg draad tussen sp van enige twee motiewe; 3ks, 2lb in vlg sp, 1lb in elk van vlg 3lb, 2lb in elk van vlg 3sp, 1lb in elk van vlg 3lb, 2lb in vlg sp, 1lb in sp tussen vlg 2 motiewe. Herhaal op hierdie wyse tot einde van rondte en gs in 3e ks

Ry 2: 3ks, 1lb in vlg lb, werk vlg 2lb saam, *1lb in vlg lb, werk vlg 2lb saam, * herh vanaf * tot * tot einde van rondte, gs in 3e ks

Ry 3: Herhaal ry 2

Opmaak van Snerpie

Werk nou 2 rye hlb en heg af.

Gebruik 'n wolnaald en weef alle los drade weg.  Plaas om nek en hals en verlustig jou in die warmte! Lekker! :)

Lekker hekel en warm bly!

   

Hekel 'n 'funky' koffiebeker jassie!

©Monica Buys

 

Ons hekel 'n 'funky' kleurvolle koffiebeker jassie vandag. Nuut vars en oorspronklik. Daar is baie koffiebeker jassie patrone beskikbaar maar ek wou iets ontwerp wat anders is as die gewone en het toe hierdie ontwerp uitgedink  en ek hoop julle sal net so baie daarvan hou om dit te maak as wat dit vir my was om dit  saam te stel. 

Dit het meet en pas gekos om die ontwerp te laat werk maar ek dink my patroon is aanpasbaar genoeg om te gebruik vir enige grootte koffiebeker. 

 Ek hoop julle hou daarvan!

Ons gaan begin met die bodem.

Ek het Vinnis Colours Nikkim gebruik wat 100% katoen is en 'n 4mm hekelpen maar enige dubbeldraad sal werk.

Die bodem.

Die bodem word begin deur 'n sirkel te hekel wat plat moet wees aan die onderkant en dan knus om die beker vou.

So word die sirkel gehekel:

Begin met 4ks, gs om 'n ring te vorm. 

Ry 1: 1ks, 8hlb in ring,   gs in 1e hlb; [plaas nou 'n merker in hierdie laaste steek]

Oor die merker en die manier wat ek my merker plaas in elke rondte: 

Diegene van julle wat alreeds sirkels gehekel het sal weet dat daar gedurig 'n onooglike lasmerk wys waar daar elke keer in 'n rondte 'n glipsteek gemaak word en jy begin die nuwe ry met 2ks.  Wel, ek probeer maar altyd om die tegnieke van hekel te verbeter en die manier wat ek dit doen   is om die glipsteek te merk, slegs 1ks te maak en dan die glipsteek te ignoreer aan die einde van die rondte. Deur in die eerste volgende st te gs verbloem dit die lasplek waar die volgende ry begin is. 

Ry 2:  1ks,  werk nou 2hlb in dieselfde st en daarna ook 2hlb in elke hlb tot einde van ry. [altesaam 16hlb wat gewerk word]; haal merker uit en slaan die gs oor, gs nou in die 1e hlb en plaas die merker terug in die gs sodat jy presies weet watter steek dit is wat jy moet oorslaan.

Ry 3: 1ks, 2hlb in dieselfde st, 2hlb in elke hlb tot einde van ry [32hlb], verwyder merker, slaan gs oor, gs in 1 ehlb, plaas merker terug

Ry 4: 1ks, 2hlb in dieselfde st, * 1 hlb in elk van vlg 3hlb, 2hlb in vlg hlb, * herh vanaf * tot * tot einde van ry [dit beteken jy gaan in die vlg 3hlb net 1hlb werk maar na elke 3e hlb gaan jy in die 4e een 2hlb werk]; eindig deur weer die merker te verwyder, slaan gs oor, gs in 1e hlb

My beker se bodem het net 3 rye nodig gehad. Indien jou bodem nog groter is as ry 4  kan jy nog 'n ry of 2 ekstra hekel deur ry 4 te herhaal maar vermeerder met elke ry net die aantal steke wat tussen die vermeerderings lê. Dit beteken ry 5 sal lees 1hlb in elk van vlg 4hlb, 2hlb in vlg hlb en ry 6 sal lees 1hlb in elk van vlg 5hlb, 2hlb in vlg hlb. Verder doen jy alles presies dieselfde totdat die  sirkel dieselfde grootte is as  van die  onderkant van die beker.

Nou gaan ons ophou vermeerder sodat die jassie kan begin vou om die beker. So doen ons dit:

Vlg ry en elke ry hierna totdat hierdie  deel van die jassie voltooi is: 1ks, 1hlb in dieselfde st, 1 hlb in elke hlb tot einde van ry, gs in 1e kb..

Die merker word altyd op dieselfde manier verskuif soos voorheen wat beteken dat jou aantal steke vanaf hierdie ry dieselfde bly. Ek het gehekel tot by ry 3 en het dus 32hlb wat ek nou gaan herhaal totdat ek die verlange lengte bereik het.

Hekel totdat dit die onderste deel van die koffiebeker se oor bereik, heg af  en werk dan die rand soos volg:

Randjie:

Heg die volgende kleur in enige hlb, *  2ks, 2lb [langbene] in dieselfde st, slaan vlg 2hlb oor en gs in vlg hlb,* herhaal vanaf * tot * tot einde van rondte en gs terug waar begin is. Heg af.






Boonste deel van jassie:

Begin met 5ks, 1hlb in 3e ks vanaf pen, werk nog 2hlb, 2ks, draai

Vlg ry: 1hlb in 1e hlb, 1hlb in elk van vlg 2hlb,  2ks draai

Herhaal hierdie laaste ry totdat die bandjie lank genoeg sodat dit rondom die beker kan pas vanaf die oor se een kant tot by die ander kant van die oor. Maak 4ks, vou die bandjie in die rondte sodat dit 'n sirkel vorm en  gs nou in die teenoorstaande hoek van die begin van die bandjie, 1ks en werk nou 'n ry kb om hierdie boonste rand en wanneer jy by die 4ks kom werk 4kb bo oor en gs in die 1e kb. Heg af.

Heg vlg kleur aan die onderste rand en herhaal dieselfde randjie wat gebruik is vir die onderste deel maar in plaas van om in hlb te werk moet daar nou in die sykante van rye gewerk word. Sorg net dat die steke eweredig uitmekaar lê. Heg af.

Blommetjies:  Gebruik 'n 4 draad vir die blommetjie met 'n 3.25mm hekelpen. Vir hierdie tutoriaal is  Elle Premier 4 ply katoen in 3 verskillende kleure gebruik.

Begin met 6ks, gs om ring te vorm

Werk in ring soos volg: kb in ring, * 1ks, 2lb, 1ks, kb terug in ring, * herh vanaf * tot * nog 5 keer, gs in 1e kb. Heg af.

Werk nou alle los drade weg met 'n wolnaald.

Gebruik silwer ringetjies en haak die blommetjies vas aan hekelwerk soos op die fotos geillustreer word.

Hekel ook 'n kettingsteek band van sowat 100ks en ryg dit deur aan die boonste deel sodat dit stewig vasgetrek kan word om beker met 'n strikkie wat bokant die oor sit.

©Monica Buys

Jou beker se jassie is kant en klaar! 

Geniet dit :)

Groete en lekker hekel!

Gratis Patroon: Rosekant Blokkie

'n Splinternuwe patroon wat ek so pas klaar geskryf het vir al die liewe lesers van Hekel Idees. 

Dankie vir julle ondersteuning! 

Rosekant Blokkie

Lekker hekel! :)

Tutoriaal: Gehekelde Strepe: Ouma Se Manier

Wat jy alles gaan leer in hierdie tutoriaal!

Hoe om hekelwerk te begin sonder 'n lang kettingsteek ry. Begin dadelik met 'n ry kortbene!

Hoe om die Ouma Blokkie patroon te hekel in lang rye in plaas van 'n vierkantige blokkie.

Die patroon word gewerk oor 'n veelvoud van 3 steke plus 1 ekstra steek.

Bo en onderste rye vertoon dieselfde

Vir hierdie tutoriaal gaan ons begin werk met 'n 25kb beginstrook-ry en ons gaan dit doen sonder om eers 'n lang kettingsteek strook te hekel.

Deur dadelik met 'n ry kortbene te begin gee dit die begin van jou werk meer elastisiteit en die bo en onderkant van jou werk vertoon presies dieselfde en voorkom ook terselftertyd dat werk skeeftrek. Hierdie tegniek is ook uitstekend om te gebruik as 'n basisry met die maak van kledingstukke.

Instruksies vir die 25kb beginstrook is dan soos volg:

Begin soos normaal deur 'n glipknoop te maak op hekelpen.

Maak 1ks, steek hekelpen deur 1e ks en trek draad deur, [2 lusse op pen] slaan draad om pen en trek deur slegs die 1e lus op pen. 

Die foto regs wys hoe die steek vertoon. Daar is nog steeds 2 lusse op die pen. 

Slaan die draad weer om pen en trek nou deur albei lusse. 

Dit voltooi die eerste kortbeen soos gesien kan word in die foto aan regterkant. 

In die volgende stap is dit baie belangrik om die hekelpen deur die korrekte lusse te steek. Let mooi op deur die foto te bestudeer. Die pyltjie wat van die hekelpen na die spasie wys is die plek waar die hekelpen deurgesteek moet word. Tilt jou werk en kyk na die onderkant, Jy sal merk daar is twee lussies wat vorm aan die onderkant. Die swart kolletjie op die voorste lus kan duidelik gesien word op die foto. Daar is nog 'n lus wat net agter hierdie voorste lus gesien kan word en word met die kort pyltjie aangedui. 

Steek die hekelpen in die spasie sodat die 2 lusse knus om die hekelpen gesien kan word. Slaan draad om pen en trek deur. 

Slaan draad om pen en trek deur die eerste lus. 

Slaan draad om pen en trek deur albei lusse. Dit voltooi die 2e kb.

Steek pen deur 2 lusse soos reeds bespreek, slaan draad om en trek deur,

Slaan draad om en werk deur 1 lus.

Slaan draad om en werk deur 2 lusse.

Dit voltooi die 3e kb.

Herhaal hierdie stappe totdat jy die verlangde aantal kortbene gewerk het. 

Op die foto regs kan gesien word hoe die twee lusse aan die onderkant 'n netjiese rand vorm. 

Indien jy sukkel met hierdie eerste kortbeen ry, begin  met 26ks, kb in 2e ks vanaf pen, werk nou nog 24 kb, 3ks en draai. Volg dan die patroon vanaf ry 2.

Basisry is dan soos volg:

Ry 1: Werk 'n 24kb beginstrook, 3ks draai

Ry 2: 1lb in 1e kb, slaan 2kb oor, werk 'n 3langbeen groep in vlg kb,[langbeengroep beteken 3lb in dieselfde st[afkorting=3lbgr]; * slaan vlg 2kb oor, 3lbgr in vlg kb,* herh vanaf * tot * tot 7 groepe voltooi is, slaan vlg 2kb oor en werk dan 2lb in laaste st, 3ks draai

Ry 3:  3lbgr in vlg spasie, [spasie tussen die 1e 2lb en  3lbgr]; werk nog 7 groepe in elke sp, [8gr in ry]; 1lb in bo-punt van 3ks, 3ks, draai

Ry 4: 1lb in vlg spasie, werk weer 7 3lbgr, 2lb in 3ks sp aan einde van ry, 3ks, draai

Indien jy wil kleure verander: Werk ry 4 tot by die laaste 2lb en voltooi die 1e lb, werk dan die 2e lb tot 2 lusse oor is op pen en trek dan die nuwe kleur deur, knoop die twee kleure dan aan die agterkant en maak dan 3ks en draai. Die los drade kan later met 'n wolnaald weggewerk word.

Herhaal rye 3 en 4 deurgaans en verander kleure volgens keuse. Hierdie is 'n baie lekker patroon wat maklik  is en ideaal vir  'n lekker knus  oor die skoot-kombers. 

Lekker hekel almal!