Kersfees Balle

Hekel hierdie jaar kleurvolle Kersfees balle. Hang dit aan  die kersboom  of gebruik dit op ander dekoratiewe maniere om Kersdag op te vrolik!

Materiaal gebruik: 55mm Polysterene balle, Elle Premier Katoen 4-draad en 3mm hekelpen. 

Begin met 'n gare-sirkel.

Ry 1: Kleur A: 1ks, werk nou 8kb in die gare-sirkel, gs in die 1e kb. Heg af.

Ry 2: Kleur B: Las in enige kb, 1ks, werk 2kb in dieselfde plek waar kleur gelas is, werk dan 2kb in elk van die oorblywende kortbene, gs in 1e kb.  Heg af. [16 kb]

Ry 3: Kleur C: Las in enige kb, 2ks, 1hlb in dieselfde kb, 1hlb in vlg kb, *2hlb in vlg kb, 1hlb in vlg kb;* herh van * tot * tot einde van rdte, gs in 2e ks. Heg af. [24 hlb]

Ry 4: Kleur D: Heg in enige hlb, 3ks, 2lb in dieselfde hlb, slaan 1hlb oor, * 3lb in vlg lb, slaan 1lb oor;* herh van * tot * tot einde van rdte, gs in 3e ks. Heg af. [36 lb]

Ry 5: Kleur E: Heg tussen enige van die 3lb groepe, 3ks, 2lb in dieselfde sp; werk nou 3lb in elk van die spasies tussen die 3lb groepe, gs in 3e ks. Heg af. [36 lb]

Ry 6: Kleur D: Heg in enige lb, 1ks, werk nou 'n kb in elke lb tot einde van rdte, gs in 1e kb en heg af.

Dit voltooi die eerste helfte.

Herhaal nou ry 1 tot 6 maar wissel die kleure deur byvoorbeeld ry 1 te begin met Kleur D, ry 2 met Kleur A ens. 

Plaas polysterene balletjie tussen die twee gehekelde helftes en werk met oorhandsteek vas waar dit in die middel bymekaar kom. 

Indien jy dit wil ophang gebruik 'n goue draadjie of hekel 25 kettingstekies, vou dubbel en werk dit aan die bo-punt in die middel vas. 

Deur jou eie kersversierings te maak bespaar jy sakke vol geld! Vir 6 polysterene balletjies het ek R13.40 betaal en enige oorskiet wolletjies of gares kan gebruik word.  Baie goedkoper as gekoopte Kersfees balle!

Lekker kersversierings hekel almal!

Tot volgende keer

Hekel groete

♥

Tutoriaal: Hoe om 'n spiraal te hekel met 2 kleure.

Kom ons hekel 'n spiraal!

Ry 1: Begin met rooi draad en maak 'n garesirkel. Maak 1ks, werk nou in ring die vlg: [1kb, 2hlb, 2lb,]. Verwyder die hekelpen uit die laaste lus van lb wat gewerk is. Neem nou die blou draad en heg draad in ring langs die laaste lb wat gewerk is en werk 1ks, 1kb, 2hlb, 2lb] 

Verwyder pen uit lus en trek die rooi draad se beginpunt sodat die sirkel na mekaar toe trek om 'n ring te vorm. Die steke trek na mekaar toe en sal teenoor mekaar lê soos op die foto gesien kan word. 

Ry 2: Plaas hekelpen terug in rooi draad en werk nou oor die blou steke soos volg:  2lb in die  kb, 2lb in elk van die vlg 2hlb, 2lb in elk van vlg 2lb, verwyder pen en haak die blou draad. 

Werk nou met die blou oor die rooi steke soos volg: 2lb in kb, 2lb in elk van vlg 2hlb, 2lb in elk van vlg 2lb, werk nou 2lb in elk van die oorblywende rooi  langbene.

Verwyder die pen en neem nou weer die rooi draad. 

Ry 3: Werk nou weer oor die blou steke soos volg: *1lb in vlg lb, 2lb in vlg lb,* herh tot einde van ry en verwyder pen uit rooi draad. Haak weer die blou lus. 

Tip: 

[Onthou wanneer 'n patroon lees 2lb in vlg lb beteken dit  vermeerder in vlg lb en daar kan ook verwys word soos volg: 2lb tes in vlg lb]  

Herhaal deur nou met die blou lus weer oor die rooi steke te werk. Daar word nou weer 'n herhaling gedoen tot die einde deur  1lb in vlg lb, 2lb in vlg lb te werk tot einde. 

Om die sirkel te voltooi neem die rooi lus en werk 1hlb in elk van vlg 2lb, 1kb in vlg lb en gs in vlg lb. Heg af.  

Neem die blou draad op pen en werk nou oor die rooi steke soos volg: 2lb in hlb, 1lb in vlg hlb, 2lb in vlg kb, 1lb in gs, 1lb in dieselfde sp waar die rooi draad se gs gewerk is, 1hlb in elk van vlg 3 steke, 1kb in elk van vlg 2 steke, gs in vlg steek en heg af. 

Indien jy jou sirkel groter wil maak word daar in elke ry geleidelik vermeerder deur elke keer een steek ekstra tussen die vermeerderings te hekel. Die rye sal dus vanaf ry 4 soos volg lees:
Ry 4: [2lb, 2lb tesame in vlg lb] herhaal tot einde van ry
Ry 5: [3lb, 2lb tesame in vlg lb] herhaal tot einde van ry
Ry 6: [4lb, 2lb tesame in vlg lb] herhaal tot einde van ry
Ry 7: [5lb, 2lb tesame in vlg lb] herhaal tot einde van ry

Soos julle kan sien word een ekstra steek tussen die vermeerderings met elke ry bygewerk.  

Hier volg 'n paar idees oor hoe om die spiraal te gebruik in 'n ontwerp: 

1. Gebruik T- draad en hekel 'n spiraal mat.
2. Gebruik twee verskillende teksture wol vir 'n treffende ronde kussing.
3.  'n Lekker dik katoendraad in twee kleure sal 'n pragtige  potte staander maak.
4. Gebruik 'n dunner katoen vir vatlappies.  

Lekker hekel almal!

♥

Kuiergas #6: Adele Marais

Ontmoet Adele Marais van Pretoria! Ons kuier hierdie maand so bietjie by haar en bewonder haar pragtige hekelwerk.

 

 Vertel ons asseblief wie jy is en van watter dorp jy is. 

Ek is Adele Marais en woon nog my hele lewe lank in Pretoria

      Hoe lank hekel jy al Adele?

Ek hekel nou so min of meer 3 1/2 jaar lank.

 Wie het jou geleer hekel?

 

Ek het myself met youtube videos  en van internet tutorials af leer hekel..

       Het jy 'n gunsteling wol of gare waarmee jy graag hekel?

Ek hou van verskeidenheid maar One of a Kind,  Vinnis, Elle Gold en King Cole is van my gunstelinge.

    Watter items is jou gunsteling artikels om te hekel?

Ek hou hier ook van verskeidenheid! Ek hekel graag komberse, doilies, en serpe.

    Hoeveel tyd kry jy om te hekel?

Ek het glad nie ‘n huishulp nie en ons is 5 grootmense in die huis, so my huishoudelike pligte meng ernstig in met my hekeltyd maar ek maak tyd elke dag!  Die strykwerk lê soms ‘n dag of drie maar niemand kla nie! Ek hekel graag terwyl ek TV luister!

  

     Hoekom dink jy is hekel nou weer so gewild?

Vrouens is van nature kreatiewe skepsels en ons hou almal daarvan om ons hande besig te hou. Moderne hekelwerk gee kleur en styl en kikker onmiddelik enige vertrek op!

  Enige gunsteling kleure waarmee jy graag hekel?

Ek is mal oor enige kleur! Van geel tot pers. Ek probeer soms prakties wees en kleure gebruik wat in my huis sal pas.

Is hekel slegs 'n stokperdjie of hekel jy en verkoop jou items?

Dit is hoofsaaklik ‘n stokperdjie. Ek hekel en skryf ook so nou en dan ‘n patroon vir  One of a Kind se asemrowende wolle!     

     Is daar enige iets wat jy wil byvoeg waarin die lesers sal belangstel? Vertel ons meer.

Ek het nog nooit gevoel dat ek regtig genoeg talent het om skeppend te wees nie, maar hekel het my lewe verander! Skielik voel ek dat ek ook kreatief kan wees en items kan maak wat vir my (en vir die mense om my) mooi is. 

Ek het die wonderlikste vriendinne gemaak wat my hekelpassie deel en verstaan!  Ek geniet elke oomblik!

 

Baie dankie vir jou wonderlike bydrae Adele!  Ek dink almal sal saamstem dat Adele se hekelwerk  pragtig en kreatief is. Ons het lekker gekuier en tot volgende keer groet ek dan nou eers. 

Lekker hekel almal! 

♥

Monica se Seshoek

Materiaal gebruik: 

Vinnis Nikkim of enige Dubbeldraad en 4mm hekelpen.

Die patroon vir hierdie seshoek het ek so 'n paar jaar gelede in Engels geskryf as deel van my eie versameling ontwerpe waarmee ek besig is. Ek het die foto van hierdie kombers  op my blad gewys in 'n vorige artikel en het soveel navrae en versoeke gekry daarvoor dat ek dit herskryf het in Afrikaans en deel dit vandag met julle.

Spesiale instruksies: 

Hoe om 2lb tes te werk:

*Slaan draad om pen, steek pen deur ring, haak draad en trek deur na vorentoe, slaan draad om pen en trek deur 2 lusse,* herh nog 1 keer, [3 lusse op pen];  slaan draad om pen en trek deur al  3 lusse. 

Hoe om 3lb tes te werk: 

* Slaan draad om pen, steek deur ring, haak draad en trek deur na vorentoe, slaan draad om pen en trek deur 2 lusse,* herh nog 2 keer, [4 lusse op pen]; slaan draad om pen en trek deur al 4 lusse. Dit voltooi 3lb tes.   

Begin met Kleur A en werk 5ks. Glipsteek om ring te vorm.

Ry 1: Kleur A: 2ks, 2lb tes; * 3ks, 3lb tes; * herh van * tot * nog 4 keer, 3ks, gs in die bo-punt van die eerste groep; gs in 3ks sp, Heg af.

Ry 2: Kleur B: Heg kleur in die 3ks sp, 2ks, 1hlb in dies sp, 2ks, 2hlb in dies sp, * werk in die vlg 3ks sp die vlg: [2hlb, 2ks, 2hlb] * herh van * tot * in elke 3ks sp tot einde van ry, gs in die bo-punt van 2ks, gs deur tot in die vlg hlb en dan tot in die 2ks sp. Heg af. 

Ry 3: Kleur C: Heg kleur in die 2ks sp; 3ks, 1lb in dies sp, 2ks, 2lb in dies sp, * 4ks, slaan vlg 4hlb oor en werk dan in die vlg 2ks sp die vlg: [2lb, 2ks, 2lb] * herh van * tot * en eindig met 4ks, gs in 3e ks, gs deur tot in die vlg 2ks sp. Heg af.

Ry 4: Kleur D: Heg kleur in 2ks sp en werk in dies sp die vlg:  [2ks, 1hlb, 2ks, 2hlb]; * slaan vlg 2lb oor, 1lb in 4ks sp; 1dslb tussen die 2hlb groepe van ry 2; [werk oor die 4ks van ry 3]; 1ks, 1dslb in dies sp tussen 2hlb groepe van ry 2, 1lb in 4ks sp; slaan vlg 2lb oor en werk dan in vlg 2ks sp die vlg: [2hlb, 2ks, 2hlb] * herh van * tot * tot einde van ry en eindig met 'n gs in die 2e ks; gs deur tot in 2ks sp. Heg af.

Ry 5: Kleur E: Heg kleur in 2ks sp en werk in dies sp die vlg:  [3ks, 1lb, 2ks, 2lb]; * slaan vlg hlb oor, 1lb in vlg hlb, 1ks, slaan vlg lb oor; [1lb in dslb, 1lb in 1ks sp, 1lb in dslb]; 1ks, slaan 1lb en 1hlb oor, 1lb in vlg hlb, werk nou die vlg in die 2ks sp: [2lb, 2ks, 2lb] * herh van * tot * nog 4 keer, slaan vlg hlb oor, 1lb in vlg hlb, 1ks, slaan vlg lb oor; [1lb in dslb, 1lb in 1ks sp, 1lb in dslb]; 1ks, slaan 1lb en 1hlb oor, 1lb in vlg hlb, eindig met 'n gs in 3e ks.  Heg af. 

Lekker hekel almal!

♥